शनिवार सुदूरपश्चिममा थप ४५ जनामा कोरोना संक्रमण पुष्टि

धनगढी

शनिवार सुदूरपश्चिम प्रदेशमा थप ४५ जनामा संक्रमण पुष्टि भएको छ । पछिल्लो २४ घण्टामा प्रदेशका तिन वटा प्रयोगशालामा गरि ६ सय ७९ जनाको परिक्षण गरिएकोमा ४५ जनामा संक्रमण पुष्टि भएको हो ।

  सेती प्रादेशीक अस्पताल धनगढीको कोरोना परिक्षण प्रयोगशालामा गरिएको परिक्षणमा कैलालीका २४ सहित थप २७ जनामा कोरोना संक्रमण पुष्टि भएको छ । सेतीको प्रयोगशालामा पछिल्लो २४ घण्टाको अवधीमा गरिएको ४ सय ६३ जनाको स्वाव परिक्षणमा ७ महिला र २० पुरुष गरी २७ जनामा कोरोना संक्रमण पुष्टि भएको अस्पतालले जनाएको छ ।

 सेती प्रादेशिक अस्पतालका सूचना अधिकारी दिलिप कुमार श्रेष्ठका अनुसार संक्रमण पुष्टि हुनेमा कैलालीको गोदावरी नगरपालिका १ महिला र ११ पुरुष गरी १२ जना, धनगढी उप–महानगरपालिका–५ का ४, वडा नम्बर–३ का ४, वडा नम्बर–७ का १ र पहिचान नखुलेका तीन गरी १२ जना, कञ्चनपुरको पुनर्वास नगरपालिकाका २ जना र  भिमदत्त नगरपालिकाका १ जना रहेका छन् ।

 यस्तै डडेल्धुरा अस्पतालको कोरोना परिक्षण प्रयोगशालामा गरिएको १ सय १० जनाको परिक्षणमा बझाङका १६ जनामा संक्रमण पुष्टि भएको अस्पतालका इन्चार्ज इश्वरी प्रसाद भूषालले बताए । उनका अनुसार संक्रमण पुष्टि हुनेमा केदारस्यू गाउँपालिकाका १०, थलारा गाउँपालिकाका ४ र छब्बिसपाथिभारा गाउँपालिकाका २ जना रहेका छन् ।

यसैगरी शनिवार नै डोटी अस्पतालको कोरोना परिक्षण प्रयोगशालामा गरिएको परिक्षणमा डोटी कै दुई जनामा कोरोना संक्रमण पुष्टी भएको   छ ।

 पछिल्लो २४ घण्टामा १ सय ६ जनाको परिक्षण गरिएकोमा डोटीको सायल गाउँपालिका ८ का २६ र ६० बर्षे पुरुष गरी दुई जनामा संक्रमण पुष्टी एको अस्पतालका निमित्त कार्यालय प्रमुख उद्धबबहादुर ठगुन्नाले बताए । यो संगै सुदूरपश्चिम प्रदेशमा संक्रमितको संख्या ६ हजार नाघेको छ ।