सेती अस्पतालमा पहिलो व्यक्तिको प्लाज्मा थेरापी सफल

धनगढी

 सेती प्रादेशिक अस्पतालमा पहिलो व्यक्तिको प्लाज्मा थेरापी विधिबाट उपचार गरिएको छ ।

 अस्पतालका अनुसार धनगढी उपमहानगरपालिका—५ की ५७ वर्षीया महिलाको सफल रुपमा प्लाज्मा थेरापी विधिबाट कोरोना संक्रमणको उपचार गरिएको हो ।

 भदौ १९ गते अस्पताल भर्ना भएकी ती महिलालाई आइतबार कोरोना संक्रमण निको भएका विरामीले प्लाज्मा दान गरेका हुन् । कैलाली फूलबारीका २२ बर्षे युवकले ती महिलालाई प्लाज्मा दान दिएको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए ।

 सूचना अधिकारी श्रेष्ठका अनुसार सेती प्रादेशिक अस्पतालका वरिष्ठ फिजिसियन डाक्टर शेरबहादुर कमर र डाक्टर अशोक चौधरीको सहितको टिमले ५७ बर्षे महिलाको प्लाज्मा थेरापी बाट उपचार गरेका हुन् ।