हत्यामा संलग्न तीन जना अछामबाट पक्राउ

धनगढी

 अछाममा युवकलाई हत्या गरेको आरोपमा प्रहरीले तीन जनालाई पक्राउ गरेको छ ।

 अछामको मंगलसेन नगरपालिका–१४ कालागाउँका मानबहादुर भण्डारीका २४ बर्षे छोरा सन्तोष भण्डारीको हत्यामा संलग्न भएको आरोपमा तीन जनालाई पक्राउ गरिएको प्रहरीले जनाएको छ ।

 पक्राउ पर्नेमा जिल्लाको कमलबजार नगरपालिका–६ हात्तीबाजका २३ बर्षे भुपेन्द्र शाही, कालापोखराका १८ बर्षे मिनबहादुर शाही र दैलेखको आठविस नगरपालिका–२ श्रीकोटका  २० बर्षे राम शाही रहेका छन् ।

 युवाहरुको समुहले भण्डारीलाई खानडाँडा भन्ने स्थानमा आक्रमण गरि घाईते बनाएका थिए । घाइते युवकको उपचारका क्रममा क्रममा मृत्यु भएको थियो ।