भदौ २५ देखी अनलाईन देउडा प्रतियोगिता हुने

धनगढी

 देउडि़या मोबाईल एप्लिकेसन मार्फत अनलाईन देउडा प्रतियोगिता २०७७ सञ्चालन हुने भएको छ ।

 देउडिया मोबाईल एप्लिकेसनले सञ्चालन गर्ने देउडा प्रतियोगिता २०७७ भदौ २५ देखी सुरुभई असोज १५ सम्म सञ्चालन हुने जनाइएके छ ।

 प्रतियोगितामा उत्कृष्ट ३ रचना लाई पुरष्कृत गरिने छ । जस मध्ये प्रथम हुनेलाई ५ हजार, द्वितीय लाई ३ हजार र तृतियस्थान हाँशिल गर्ने डेउडियालाई २ हजार नगद पुरस्कार वितरण गयिरने आयोजकले जनाएको छ ।

 प्रतियोगितामा सहभागी हुन केहि नियमहरुको पालना गनुपर्ने छ । जसकालागी सहभागीले देउडि़या एप गूगल प्लेस्टोर बाट डाउनलोड गरी देउडि़या एप मा देउडा गीत पोस्ट गर्नुपर्ने छ । त्यस्तै गीत कम्तिमा ८ हरप को हुनु पर्ने छ ।

 भने उक्त देउडा गीत लाई एप मा रहेको शेयर आइकन मा थिचि फेसबुक लताएतका सामाजिक संजालमा शेयर गर्नु पर्ने प्रावधान तय गरीएको छ । देउडि़या एप मा पोस्ट गरिएका देउडा गीतको लाइक, फेसबुक लाइक, शेयर तथा कमेन्ट लाई जोडेर प्राप्तांक निकालिने र असोज १७ गते बिजेता घोसित गरी पुरुस्कार राशि बिजेताको बैंक खातामा जम्मा गरिने आयोजकले जनाएको छ ।