सेती अस्पतालको परिक्षणमा थप २० जनामा कोरोना पुष्टि

धनगढी

 धनगढी स्थित सेती प्रादेशिक अस्पतालको कोरोना परिक्षण प्रयोगशालामा गरिएको परिक्षणमा २० जनामा संक्रमण पुष्टि भएको छ ।

 अस्पतालमा गरिएको ३ सय ६८ स्वाव परिक्षण मध्य कञ्चनपुरका १२ र कैलालीका ८ जनामा संक्रमण पुष्टि भएको अस्पतालद्वारा जारी विज्ञप्तिमा उल्लेख गरिएको छ ।

 शनिबार संक्रमण पुष्टि भएका मध्य कञ्चनपुरको भिमदत्त नगरपालिका–१८ का ६ महिला र ४ पुरुष गरी १० जना, भिमदत्तकै वडा नम्बर १० का एक महिला र एक पुरुष गरी दुई जना, कैलालीको धनगढीका एक महिला ३ पुरुष गरी ४ जना, बर्दगोरिया गाउँपालिकाका एक महिला र एक पुरुष गरी दुई जना, टिकापिुर र लम्कीका १÷१ पुरुषमा संक्रमण पुष्टि भएको अस्पतालद्वारा जारी विज्ञप्तिमा उल्लेख छ ।