धनगढीका ६७ सहित सुदूरपश्चिम प्रदेशमा थप ७६ जनामा संक्रमण पुष्टि

धनगढी

 सुदूरपश्चिम प्रदेशमा आइतबार थप ७६ जनामा कोरोना संक्रमण पुष्टि भएको छ ।

 आज थपिएका संक्रमित मध्य धनगढी उप–महानगरपालिकाका ६७ सहित ७६ जनामा कोरोना संक्रमण पुष्टि भएको हो ।

 धनगढी स्थित सेती प्रादेशिक अस्पतालको प्रयोगशालामा पछिल्लो २४ घण्टामा २ सय ४५ जनाको कोरोना परीक्षण भएकोमा ७३ जनामा संक्रमण पुष्टि भएको छ । अस्पतालका सूचना अधिकारी दिलिपकुमार श्रेष्ठका अनुसार आइतबार थपिएका मध्य धनगढी उप–महानगरपालिकाका मात्रै ६७जनामा संक्रमण पुष्टि भएको छ । 

 जसमा ३१ जनाको पहिचान नै नखेलेको जनाइएको छ । यसै गरी पहिचान खेलेका मध्य धनगढी उप–महानगरपालिका वडा नम्बर १ का १८ जना, वडा नम्बर २, ३ र ८ का ४÷४ जना, वडा नम्बर ४ का ३ जना, वडा नम्बर ५ का ७ जना, वडा नम्बर १२ का एक÷एक जना गरी ६९ जनामा कोरोना संक्रमण पुष्टि भएको हो । यसै गरी आइतबार नै सेती अस्पतालमा गरिएको परिक्षणमा कञ्चनपुरको भीमदत्त नगरपालिकाका– २ का २ जना, बेलौरी नगरपालिका–२ का एक जना, कैलालीको गोदावरी नगरपालिका– ५ का एक जना र डडेल्धुराको परशुरम नगरपालिकाका एक जनामा कोरोना संक्रमण भेटिएको सूचना अधिकारी श्रेष्ठले बताए ।

 आइतबार नै डोटी जिल्ला अस्पतालको प्रयोगशालामा भएको परीक्षणमा २ जनामा संक्रमण पुष्टि भएको छ । अस्पतालमा गरिएको ८३ जनाको स्वाव परिक्षणमा २ जनामा संक्रमण पुष्टि भएको अस्पतालका प्रयोगशाला इन्चार्ज शौरभ श्रेष्ठले बताए ।

 उनका अनुसार अछामको मंगलसेन नगरपालिकाका दुई पुरुषमा कोरोना संक्रमण पुष्टि भएको हो, भने डडेल्धुरा अस्पतालको प्रयोगशालामा गरिएको परिक्षणमा डडेल्धुराको अमरगढी नगरपालिकाका एक पुरुषमा संक्रमण पुष्टि भएको छ ।