श्राद्ध खाएर बिरामी भएकाहरु अझै निको भएनन्

धनगढी

 श्राद्ध खाएर विरामी परेका गोदावरी नगरपालिका १० खुमौराका स्थानीय बिहीबार सम्म निको भएका छ्रैनन् ।

गोदावरी नगरपालिका–१० का वडा अध्यक्ष रबिन्द्र शाहीका अनुसार बुधबार वेलुका थप १ गरी १९ जना श्राद्ध खाएका गाउँले विरामी परेका छन् ।

 स्वास्थ्यमा गम्भिर समस्या देखापरेका उनिहरुको धनगढी तथा अत्तरियाका विभिन्न अस्पतालमा उपचार भइरहेको वडा अध्यक्ष शाहीले बताए ।

 श्राद्ध भोज खाएर विरामी परेका मध्य १ जनाको मृत्यू भएकोमा अझै १९ जना उपचारका क्रममा रहेका गोदावरी १० का वडा अध्यक्ष शाहीले बताए ।

 उनका अनुसार बुधबार १७ जना विरामी परेकोमा बिहीबार थप १ जनालाई अस्पताल भर्ना गरिएको छ । हाल सेती प्रादेशिक अस्पतालमा ९, मामेट्रो अस्पतालमा २, नवजीवन अस्पतालमा ३ र अत्तरिया स्थित पद्मा अस्पतालमा छाँच जनाको उपचार भइरहेको वडा अध्यक्ष शाहीले बताए ।

 भदौ २७ गते गोदावरी नगरपालिका–१० खुमौरा स्थित एक घरमा श्राद्ध भोज खाएपछि सोही दिन वेलुका देखी श्राद खाएका सवै विरामी परेका थिए । बिरामी पर्नेमा श्रद्ध मनाएकै परिवारका तीन जना समेत रहेका वडा अध्यक्ष शाहीले बताए ।

 उनका अनुसार विरामी परेका हरुमा पखाला चल्ने र बान्ता हुने समस्या देखापरेको छ । सुरुमा स्थानीय स्तरमै उपचार गरेपनि स्वास्थ्यमा गम्भिर समस्या देखापरेपछि सेती प्रादेशिक अस्पताल लगायत सुबिधा सम्पन्न निजी अस्पतालमा बिरामीको उपचार थालिएको हो ।

 विरामी मध्य खमौराका सुरेश बोहराको मृत्यु भइसकेको छ ।