भारतमा कोरोनाबाट ९० हजार भन्दा बढीको मृत्यु

काठमाडौं

 भारतमा कोरोना भाइरसबाट मृत्यु हुनेको संख्या ९० हजार भन्दा बढी पुगेको छ । भारतको स्वास्थ्य मन्त्रालयका अनुसार अहिलेसम्म कोभिड–१९ बाट ९० हजार २० जनाको मृत्यु भएको छ ।

 पछिल्लो २४ घण्टामा ८३ हजार ३ सय ४७ जनामा संक्रमण पुष्टि हुँदा एक हजार ८५ जनाको कोभिड–१९ बाट ज्यान गएको छ । अहिलेसम्म भारतमा संक्रमितको संख्या ५६ लाख ४६ हजार पुगेको छ ।

  अहिले ९ लाख ६८ हजार ३ सय ७७ जना सक्रिय संक्रमित रहेका छन् । भारत विश्वमै सबैभन्दा दोस्रो धेरै संक्रमित रहेको देश हो ।