सुदूरपश्चिमका ८५ प्रतिशत कोरोना संक्रमित निको भए

धनगढी

 सुदूरपश्चिम प्रदेशमा कोरोना संक्रमण पुष्टि भई निको हुनेको संख्या ६  हजार नाघेको छ ।

 मंगलबार सेती प्रादेशिक अस्पताल, दार्चुला, बैतडी, डोटी र टिकापुर अस्पतालबाट ९ जना संक्रमित निकोभएर घर फर्के संगै प्रदेशमा संक्रमण निको हुनेको संख्या ६ हजार १ सय १० पुगेको स्वास्थ्य निर्देशनालय राजपुर डोटीले जनाएको छ ।

 सुदूरपश्चिम प्रदेशमा हाल ७ हजार १ सय ५० जनामा संक्रमण पुष्टि भएकोमा ८५ प्रतिशत संक्रमित निको भएर घर गएका स्वास्थ्य निर्र्दशनालयको विज्ञप्तिमा उल्लेख छ ।

 निर्देशनालयका अनुसार सुदूरपश्चिममा हाल सम्म ८४ हजार ३ सय २७ जनाको स्वाव परिक्षण गरिएकोमा ८३ हजार २ सय ९७ जनाको कोरोना परिक्षण गरिएको छ । परिक्षण गरिएका मध्य ७ हजार १ सय ५० जनामा संक्रमण पुष्टि हुँदा १ हजार ३० जनाको परिक्षण रिपोर्ट आउन बाँकी छ ।