बैतडीमा दशै पछि कोरोना परिक्षण पुनः सुचारु

धनगढी

 दशैका वेला रोकिएको बैतडी जिल्ला अस्पतालको कोरोना परिक्षण सेवा पुनः सुचारु भएको छ ।

 कर्मचारी विदामा बस्दा स्वाव संकलन नभएपछि बैतडीमा कार्तिक ९ गते देखी स्वाव संकलन तथा परिक्षण रोकिएके थियो । दशै सकिएपछि विदामा गएका कर्मचारी फर्केपछि पुनः स्वाव संकलन तथा परिक्षण थालिएको जिल्ला अस्पताल बैतडीका बरिष्ठ ल्याब असिष्टेन्ट चन्द्रसिंह डोबालले बताए ।

 प्रयोगशालामा अटोमेटिक कोरोना परीक्षणका लागि कम्तीमा ९६ स्वाब आवश्यक पर्ने भएपनि स्वाब कम हुँदा म्यानुअल विधिबाट परीक्षण गरिंदै आएको ल्याव असिस्टेन्ट डोबाललेबताए ।

 बैतडीमा असोज १ गते ल्याव सञ्चालनमा आई पीसीआर परिक्षण सुरु गरिएको थियो ।  त्यस यता सो ल्याव बाट १ हजार ४ सय ११ नमूनाको परीक्षण गरिएको छ ।