सेतीको परिक्षणमा थप ९१ जनामा कोरोना पुष्टि

धनगढी

   आईतबार सुदूरपश्चिमका थप ९१ जनामा कोरोना संक्रमण पुष्टि भएको छ । सेती प्रादेशिक अस्पताल प्रयोगशालामा आइतबार ३ सय ६७ जनाको परीक्षण गर्दा थप ९१ जनामा संक्रमण पुष्टि भएको हो ।

  सेती प्रादेशीक अस्पतालद्धारा जारी बिज्ञप्ती अनुसार धनगढी उपमहानगरपालिकाका ३३ जनामा संक्रमण पुष्टि भएको छ । बिज्ञप्ती अनुसार उपमहानगरपालिकाको वडा नम्बर २ का ७ जना, वडा नम्बर ५ र ७ का ६÷६ जना, वडा नम्बर ४ का ५ जना, वडा नम्बर ३, ८ र १३ का २÷२ जना, यस्तै वडा नम्बर १, १४ र १८ का १÷१ जनामा संक्रमण पुष्टि भएको छ ।

 यसैगरी कैलालीकै टीकापुर नगरपालिकाका १२ जना, भजनी नगरपालिकाका २ जना, जोशीपुर गाउँपालिका, बर्दगोरीया गाउँपालिका र घोडाघोडी नगरपालिकाका १÷१ जनामा संक्रमण देखिएको बिज्ञप्तीमा उल्लेख छ । यस्तै ठेगाना नखुलेका कैलालीका १२ जनामा समेत कोरोना पुष्टि भएको बिज्ञप्तीमा उल्लेख छ ।

    यस्तै कञ्चनपुरको भीमदत्त नगरपालिकाका १२ जना, पुर्नवास नगरपालिकाका ४ जना, बेदकोट नगरपालिकाका ३ जना, कृष्णपुर नगरपालिकाका २ जना, बेलौरी नगरपालिका, शुक्लाफाटा नगरपालिका, लालझाडी गाउँपालिकाका र ठेगाना नखुलेका १÷१ जनामा पनि कोरोना देखिएको  छ ।  त्यस्तै बाजुराका २ जना, डडेल्धुरा र डोटीका १÷१ जनामा पनि संक्रमण पुष्टि भएको अस्पतालको बिज्ञप्तीमा उल्लेख छ ।