कैलालीका ४४ सहित थप ५४ जनामा कोरोना संक्रमण पुष्टि

धनगढी

 कैलालीका ४४ सहित सेती प्रादेशिक अस्पताल धनगढीमा गरिएको कोरोना परिक्षणमा थप ४५ जनामा कोरोना संक्रमण पुष्टि भएको छ ।

 पछिल्लो २४ घण्टाको अवधिमा धनगढी स्थित सेती प्रादेशिक अस्पतालमा गरिएको १ सय ७२ जनाको स्वाव परिक्षणमा कैलालीका ४४, कञ्चनपुरका ७ र बझाङका ३ जनामा संक्रमण पुष्टि भएको अस्पतालले जनाएको छ ।

 अस्पतालका सूचना अधिकारी दिलिप कुमार श्रेष्ठका अनुसार संक्रमण पुष्टि हुनेमा कैलालीको धनगढी उप–महानगरपालिका वडा नम्बर १ का ११ जना, वडा नम्बर २ का ६ जना, वडा नम्बर ३, ४, १३ र १६ का १÷१ जना, वडा नम्बर ५ का ३ र वडा नमबर ८ का ५ जनामा संक्रमण पुष्टि भएको छ ।

 यसैगरी कैलालीकै गोदावरी नगरपालिकाकाका ३, घोडाघोडी नगरपालिका, लम्किचुहा नगरपालिका, बर्दगोरिया गाउँपालिका र टिकापुर नगरपालिकाका १÷१ जना तथा पहिचान नखुलेका कैलालीका ८ जनामा समेत बुधबार संक्रमण पुष्टि भएको अस्पतालले जनाएको छ ।

 सूचना अधिकारी श्रेष्ठका अनुसार बुधबार नै सेतीको परिक्षणमा कञ्चनपुरको वेलगाँडी गाउँपालिका र महाँकाली नगरपालिकाका १÷१ जना, पुनर्वास नगरपालिकाका २ र भिमदत्तनगर नगरपालिकाका ३ जनामा कोरोना संक्रमण पुष्टि हुँदा बझाङको बुङ्गल नगरपालिकाका ३ जनामा समेत संक्रमण पुष्टि भएको छ ।