कैलालीका १९ सहित थप ३५ जनामा कोरोना संक्रमण पुष्टि

धनगढी

 कैलालीका १९ सहित सेती प्रादेशिक अस्पतालमा गरिएको परिक्षणमा थप ३५ जनामा कोरोना संक्रमण पुष्टि भएको छ ।

 पछिल्लो २४ घण्टाको अवधिका सेती प्रादेशिक अस्पतालमा गरिएको १ सय ६७ जनाको स्वाव परिक्षणमा कैलालीका १९, कञ्चनपुरका १२, बझाङका २, अछाम र दार्चुलामा १÷१ जनामा संक्रमण पुष्टि भएको अस्पतालले जनाएको छ ।

 अस्पतालका सूचना अधिकारी दिलिपकुमार श्रेष्ठका अनुसार संक्रमण पुष्टि हुनेमा कैलालीको धनगढी उप–महानगरपालिका वडा नम्बर १ र ५ का २÷२ जना, वडा नम्बर २, ४ र ८ का १÷१ जना रहेका छन् ।

 यसैगरी कैलालीको मोहन्याल गाउँपालिका ४, गोदावरी नगरपालिकाका र जानकी गाउँपालिकाका ३÷३ जना, टिकापुर नगरपालिकाका १ र पहिनाच नखुलेका कैलालीका १ जनामा समेत आइतबार कोरोना संक्रमण पुष्टि भएको अस्पतालले जनाएको छ ।

 सूचना अधिकारी श्रेष्ठका अनुसार शनिबार नै सेतीको परिक्षणमा कञ्चनपुरको वेलौरी नगरपालिकाका ३ जना, वेदकोट नगरपालिका र भिमदत्त नगरपालिकाका ४÷४ जना तथा पुनर्वास नगरपालिकाका १  जनामा समेत संक्रमण पुष्टि भएको छ ।

 यसै गरी दार्चुलाका १ जना, बझाङका २ जना तथा अछामका १ जनामा समेत कोरोना संक्रमण पुष्टि भएको सूचना अधिकारी श्रेष्ठले बताए ।