जोशी अप्टिकलले एलपिएलमा सह–प्रायोजन गर्ने सहमति

धनगढी

 फागुन १५ गते देखी सञ्चालन हुने लिग नकआउट चारणको लिटल फ्लावर प्रिमियर लिग क्रिकेट प्रतियोगितामा प्रायोजक बढ्नेको संख्या बढ्नथालेको छ ।

 लिटल फ्लावर स्पोर्ट एण्ट इभेण्ट प्रालिकोको आयोजनामा सञ्चालन हुने प्रतियोगिता अन्तरगत बुधबार जोशी अप्टिकल एण्ड आइकेएर सेन्टरले सह–प्रायोजन गर्ने सहमति पत्रमा हस्ताक्षर गरेको छ । विद्यालय स्तरमा सञ्चालन हुने प्रतियोगितालाई स्तरिय बनाउँन र प्रतिभवान विद्यार्थीलाई हौसला प्रदान गर्न प्रतियोगितामा सह–प्रायोजन गरिएको जोशी अप्टिकल एण्ड आई केएर सेन्टरका प्रमुख तथा संस्थापक डाक्टर युवराज जोशीले बताए ।

 प्रतियोगितालाई सफल बनाउँद एलपिएलमा सहयोगी हात बढ्दै गएका लिटल फ्लावर स्पोर्ट एण्ट इभेण्ट प्रालिका अध्यक्ष रामचन्द्र शाहीले बताए ।

 प्रतियोगितामा खेलाडीको पुरस्कार राशीभने तत्काल घोषणा गरिएको छैन । 

 प्रतियोगितामा काठमाण्डौं स्थित हिमालयन ह्वाइटहाउस इन्टरनेष्नल कलेजले सह–प्रायोजन गर्ने सहमति भइसकेको छ । यसैगरी एलपिएलका लागि दोश्रो पुरस्कार राशीको प्रायोजन धनगढी स्थित गगुरुकुल एकेडेमीले गरेको छ ।

 यसै गरी हस्पिटालिटी पार्टनरमा इमेज होटल एण्ड लज, निसर्ग अस्पताल धनगढी, दहाल पुस्तकपसल धनगढीको टुङ्गो लागेको लिटल फ्लावर स्पोर्ट एण्ट इभेण्ट प्रालिका अध्यक्ष शाहीले बताए । प्रतियोगितमा सहभागिता जनाउने टिमले पुस मसान्त सम्म टिम दर्ता गराइसक्नु पर्ने छ ।