एलपिएलको ट्रफि सार्वजनिक, शनिबार देखी खेल हुने

धनगढी

 पाँचौ संस्करणमा सञ्चालन हुन गैरहेको चण्डिका ग्रुप लिटल फ्लावर प्रिमियर लिग (एलपिएल) को ट्रफि सार्वजनकि गरिएको छ ।

फागुन १५ गते देखि २९ गतेसम्म धनगढीमा आयोजना हुने चण्डिका ग्रुप एलपिएलमा यस बर्ष १६ टिमको सहभागिता रहने आयोजकले जनाएको छ ।

 ट्रफि  सार्वजनिक संगै प्रतियोगिताको सम्पुर्ण तयारी पुरा भएको आयोजक लिटल फ्लावर स्पोर्टस् एण्ड इभेन्ट प्रालिका अध्यक्ष रामचन्द्र शाहीले बताए । ४ समुहमा विभाजन गरिएको प्रतियोगितामा समूह ए मा काठमाडौँको हिमालयन ह्याइट हाउस, धनगढी तारानगरमा रहेको शारदा विद्या निकेतन, काठमाडौँको नेक्सस इन्टरनेसनल एकेडेमी र कञ्चनपुरको महेन्द्रनगरमा रहेको लिटल बुद्ध एकेडेमी रहेका छन् ।

 त्यस्तै समूह बी मा धनगढी २ मा रहेको लिटल फ्लावर इङ्लिस बोर्डिङ स्कुल, धनगढीको शारदा माध्यमिक विद्यालय वैयावेहडी, धनगढीकै त्रिनगर माध्यमिक विद्यालय र विद्या भूषण पब्लिक स्कुल गेटा रहेका छन् ।

त्यसै गरी समूह सी मा धनगढीको स्टेपिङ्ग स्टोन इङ्लिस बोर्डिङ स्कुल, कञ्चनपुरको शारदा सरस्वती माध्यमिक विद्यालय दोधारा, धनगढी नमुना माध्यमिक विद्यालय धनगढी र अत्तरियाको होल्याण्ड इङ्लिस बोर्डिङ स्कुल रहेका छन् भने समूह डी मा कैलालीको बौनियामा रहेको नव बालबाटिका विद्या मन्दिर, रुपन्देहीको न्यु एकेडेमी बोर्डिङ स्कुल, दाङको रोजी बर्ड्स बालबाटिका सेकेण्डरी बोर्डिङ स्कुल र कैलालीको लम्कीमा रहेको गुरुकुल इङ्लिस मिडियम स्कुल रहेका छन् ।