विद्या भुषणको वीजयी सुरुवात

धनगढी

 शनिबार देखी धनगढीमा सुरु भएको चण्किा ग्रुप लिटल फ्लावर प्रिमियर लिग (एलपिएल) पहिलो खेलमा आयोजक लिटल फ्लावरलाई पराजित गर्दै विद्या भुषण पब्लिक स्कुलले वीजयी सुरुवात गरेको छ ।

 धनगढी स्थित संघिय प्रहरीको खेल मैदानमा सम्पन्न ५ औं संस्करणको एलपिएलमा लिटल फ्लावरलाई ७ विकेटले पराजित गर्दै गेटामा रहेको विद्या भूषणले राम्रो सुरुवात गरेको हो ।

 टस जितेर ब्याटिङ रोजेको लिटल फ्लावरले निर्धारित २० ओभरमा ९ विकेट गुमाउँदै एक सय ५२ रनको स्कोर तयार पारेको थियो । लिटल फ्लावरका लागि सुवाश ऐरले ३७, नरेन भट्टले ३६, कप्तान विपिन रावलले १५ र राजकुमार शाहले १२ रन बनाएका थिए ।

 विद्या भूषणका शेर मल्लले ३, विरेन्द्र नाथ र प्रदिप चन्दले समान २÷२ तथा सञ्जय केसीले १ विकेट लिएका थिए ।

 १ सय ५३ रनको लक्ष्य पच्छ्याएको विद्या भूषणले १७ ओभर ५ बलमा ३ विकेट मात्रै गुमाएर जीति हाशिल गरेको हो ।

 विद्या भूषणका लागि ओपनिङमा आएका ब्याट्सम्यान शेर मल्ल र बिरेन्द्र नाथले १ सय २२ रनको साँझेदारी गरेर टीमलाई राम्रो लयमा डो¥याएका थिए ।

 राम्रो साझेदारी गर्ने क्रममा शेर मल्लले ७० र तथा बिरेन्द्र नाथले ३७ रन जोडेका थिए । बलिङ तर्फ लिटल फ्लावरका राजकुमार शाहले २ र विपिन रावलले १ विकेट लिएका थिए । खेलका म्यान अफ द म्याच विद्या भूषणका शेर मल्ललाई घोषित गरिएको छ ।

 शनिबार देखी सुरु भएको प्रतियोगिता फागुन २९ गते सम्म सञ्चालन हुने छ । प्रतियोगितामा देशभरबाट १६ विद्यालय सहभागि छन् ।