फर्निचर शोरुममा लागेको आगो नियन्त्रण, क्षेतिको विवरण आउन बाँकी

धनगढी

 धनगढी उपमहानगरपालिका–४ चटकपुर स्थित फर्निचर शोरुममा  लागेको आगो नियन्त्रणमा आएको छ ।

आलोक मल्टी कन्सर्न प्रालिमा भएको आगलागी  करिव दुई घण्टा पछि प्रहरी, नेपाली सेना, सशस्त्रप्रहरी तथा स्थनीयको सहकार्यमा नियन्त्रणमा आएको हो । आगो नियन्त्रण गर्न गोदावरी नगरपालिका र धनगढी उप–महानगरपालिकाको दमकल प्रयोग गरिएको थियो । 

  आगलागीको कारण र क्षेतीको विवरण आउन बाँकी रहेको जिल्ला प्रहरी कार्यालय कैलालीका प्रबक्ता प्रहरी उपरिक्षक प्रतिक विष्टले बताए । शोरुममा दिउँसो करिब १२ बजेतिर आगलागी भएको स्थानीयले जनाएका छन् ।