बाल बाटिका सेमीफाइनल प्रवेस

धनगढी

  धनगढीमा जारी यू–१९ लिटल फ्लावर प्रिमियर लिग–५ मा लगातार तेश्रो जीत हाँशील गर्दै बौनियाँको बालबाटिका स्कुल सेमिफाइनल प्रवेस गरेको छ  ।

 धनगढीको संघिय क्रिकेट मैदानमा भइरहेको प्रतियोगिता अन्तरगत शनिबार सम्पन्न खेलमा लम्किको गुरुकुल ऐकेडेमीलाई पराजित गर्दै बालबाटिकाले सेमिफाइनलचरण्मा आफ्नो स्थान सुरक्ष्ति गर्न सफल भएको हो । शनिबार नै सम्पन्न अर्को खेलमा होलल्याण्ड स्कुलले समेत जीत हाँशील गरेको छ ।

 शनिवार सम्पन्न दोस्रो खेलमा गुरुकुल एकेडेमी लम्कीलाई २५ रनले पराजित गर्दै बाल बाटिका अन्तिम चारमा प्रवेश गरेको हो । टस जितेर ब्याटिङ गरेको बाल बाटिकाले निर्धारित २० ओभरमा ८ विकेट गुमाउँदै १ सय ४३ रन बनाएको थियो । बालबाटिकाका लागि विराट सिंह भण्डारीले ५५ र दिपेश सिंहले २३ रन जोडेका थिए । बलिङतर्फ गुरुकुल एकेडेमी लम्कीका सुनिल भण्डारीले ३ र संगम विष्टले २ विकेट लिए ।

 १ सय ४४ रनको विजयी लक्ष्यसहित जवाफी ब्याटिङ गरेको पुरै ओभरमा ८ विकेट गुमाएर १ सय १८ रन माात्रै बनाउन सक्यो ।

 शनिबार नै सम्पन्न पहिलो खेलमा होलिल्याण्ड स्कुलले लगातार दोस्रो जित निकालेको छ । संघीय प्रहरी इकाई कार्यालयको खेल मैदानमा शनिबार भएको खेलमा धनगढी नमुनालाई ६ विकेटले पराजित गर्दै होलिल्याण्डले लगातार दोस्रो जित निकालेको हो । पहिले ब्याटिङ गरेको धनगढी नमुनाले २० ओभरमा ५ विकेट गुमाएर १ सय ६३ रन बनाएको थियो । धनगढी नमूना माविका लागि अनुप कुँवरले ६५ र आयुस खड्काले अविजित रहदै ६४ रन बनाए । होलिल्याण्डका अविशेक कोइरालाले ३ र राजेश महराले २ विकेट लिए ।

 धनगढीले दिएको १ सय ६४ रनको लक्ष्यसहित जवाफी ब्याटिङ गरेको होलिल्याण्डले १८ ओभर मै ४ विकेट गुमाएर लक्ष्यभेटायो । होलिल्याण्डको जितमा मनोज ओझाले ६६ र राहुल भण्डारीले ४७ रन बनाए । धनगढी नमुनाका सबिन महरा, पारस कार्की, बसन्त सिंह कार्की र आयुस खड्काले १÷१ विकेट लिए ।

 होलिल्याण्डका मनोज प्लेयर अफ द म्याच चुनिए । जारी प्रतियोगितामा धनगढी नमुनाको यो लगातार तेस्रो हार हो । यस हारसंगै धनगढी प्रतियोगिताबाट बाहिरिएको छ ।

 प्रतियोगितामा १६ टिमको सहभागिता रहेको छ । विजेताले १ लाख २० हजार पाउने छन् । यस्तै उपविजेताले ६० हजार प्राप्त गर्दा सर्वोत्कृष्ट खेलाडीले १० हजार पाउने छन् । उत्कृष्ट ब्याट्सम्यान, बलर र उदयमान खेलाडीले ५÷५ हजार पाउने छन् ।