धनगढी पोष्ट सोमबार, ३० कार्तिक २०८३   November 16, 2026

कैलालीमा बिहीबारदेखी लकडाउन

धनगढी

  कैलालीमा बिहीबारदेखी लकडाउन गरिने भएको छ । जिल्ला कोभिड व्यवस्थापन समितिको सिफासिरमा जिल्ला प्रशासन कार्यालय कैलालीले वैशाख १६ देखि लकडाउन गर्ने निर्णय गरेको हो ।

 मंगलबार बसेको सर्वदलीय बैठकले कोरोनाका बिरामीको संख्या दिनदिनै बढ्न थालेपछि जिल्ला प्रशासन कार्यालयलाई लकडाउन गर्न सहमति दिएको थियो ।

 यसअघि सोमबार कैलाली र कञ्चनपुरका प्रमुख जिल्ला अधिकारीको धनगढीमै बसेको संयुक्त बैठकले दुबै जिल्लामा रात्रीकालिन लकडाउन मात्रै गर्ने निर्णय गरेको थियो ।

‘भारतबाट आउनेलाई घर आउन रोक्न सकिदैन, तर सामान्य रुपमा भारत जानमा रोक लगाउने निर्णय गरिएको छ’ कैलालीका प्रमुख जिल्ला अधिकारी खगेन्द्र प्रसाद रिजालले भने– ‘अहिलेको कोरोनाको चेन ब्रेक गर्न पनि लकडाउन गर्नुपर्ने बाध्यता देखियो, १६ गते  बिहान ६ बजेदेखि २२ गते बेलुका १२ बजे सम्म एक हप्ताका लागि जिल्ला भरी लकडाउन गर्ने निर्णय गरेका छौं ।’


ट्रेन्डिङ