सुदूरपश्चिम प्रदेशमा कोरोना संक्रमितको संख्या एक हजार नाघ्यो

धनगढी

   राष्ट्रिय जनस्वास्थ्य प्रयोगशालामा आज गरिएको परीक्षणमा सुदूरपश्चिमका थप   ३३   जनामा  कोरोना  पुष्टि   भएको छ ।

    काठमाडौंमा भएको परीक्षणमा डोटीका दुई महिला र १४ पुरुष गरी १६ जना, कैलालीका तीन पुरुष, डडेल्धुरामा तीन महिला र ११ पुरुष गरी १४ जनामा कोरोना पुष्टि भएको हो ।

   आजै पशु अन्वेषण प्रयोगशाला धनगढीमा गरिएको परीक्षणमा ४३ जनामा कोरोना पुष्टि भएको थियो ।

   योसंगै सुदूरपश्चिममा आज मात्र कोरोना पुष्टि हुनेको संख्या ७६ पुगेको छ । आज ७६ जना थपिए संगै सुदूरपश्चिममा संक्रमितको संख्या एक हजार २४ पुगेको छ ।

   अहिलेसम्म सबैभन्दा बढि कैलालीका दुई सय ६१, डडेल्धुरामा एक सय ८६, बैतडीमा एक सय ४२, डोटीमा एक सय ५४, कञ्चनपुरमा एक सय, अछामका ७६, बाजुराका ७२, बझाङमा २१ र दार्चुलामा १२ जनामा कोरोना पुष्टि भएको छ।