चिनले नेपाललाई थप १६ लाख डोज खोप अनुदान दिने

धनगढी

नेपालको उत्तरी छिमेकी देश चीनले नेपाललाई थप १६ लाख डोज खोप अनुदान दिने घोषणा गरेको छ ।

परराष्ट्र मन्त्रालयका अनुसार शुक्रबार दिउँसो प्रधानमन्त्री शेरबहादुर देउवालाई भेट्न बालुवाटार पुगेकी चिनियाँ राजदूत होउ यान्छीले थप खोप अनुदानमा दिने बताएकी हुन् । उनले चीन सरकारले नेपाललाई थप खोप दिने निर्णय गरेको जानकारी प्रधानमन्त्री देउवालाई दिएकिहुन् ।

यसअघि चीलेन नेपाललाई १८ लाख डोज खोप अनुदानमा दिइसकेको । यस्तै नेपालले चिनबाट किनेको ४० लाख डोज खोप मध्ये ८ लाख डोज नेपालमा पुगेको छ । त्यसोत नेपालका लागि चिनियाँ राजदूत यान्छीले यस अघिनै नेपाललाई चिनले  थप खोप सहयोग गर्ने आस्वासन दिइसकेकिथिइन् । उनले केहिदिन अघि गरिएको भर्चुअल प्रेस कन्फ्रैनसमा यस्तो बताएकिथिइन् ।

प्रधानमन्त्री देउवा र राजदूत यान्छीबीच शुक्रबार भएको भेटमा नेपाल–चीन सम्बन्धका विभिन्न आयामबारे छलफल भएको परराष्ट्र मन्त्रालयले जनाएको छ ।

राजदूत यान्छीले कोरोनाविरूद्धको लडाइँमा नेपाललाई आफ्नो मुलुकको सहयोग जारी रहने बताएकी थिइन् ।