आफन्त संग हाँसेको आरोपमा श्रीमानले काटे श्रीमतिको कान

धनगढी

आफन्त पुरुष संग हाँसेको भन्दै बझाङमा एक पुरुषले आफ्नै श्रीमतिको कान काटेका छन् । जिल्ला प्रहरी कार्यालय बझाङका अनुसार जयपृथ्वी नगरपालिका–१ भण्डारगाउँकी २१ वर्षीया जानकी नेपालीलाई अरु पुरुष संग बोलेको र हाासेको भन्दै उनका २५ बर्षिय श्रीमान मनोज नेपालीले कुटपिट संगै बायाँ कान काटेका छन् ।

‘सामान्य घरायसि विवादलाई लिएर मनोजले पहिला श्रीमतिलाई कुटपिट गरेछ’ जिल्ला प्रहरी कार्यालय बझाङका प्रमुख प्रहरी नायव उपरिक्षक रुपक खड्काले भने–‘त्यही आवेगमा श्रीमतिको कान काटेछ, मनोज अहिले हाम्रो नियनत्रणमा छ ।’ उनले घटनाको थप अनुसन्धान जारी रहेको बताए ।

जिल्ला अस्पताल बझाङमा अहिले घाइते महिलाको उपचार भइरहेको प्रहरीले जनाएको छ ।