सुदूरपश्चिममा थप ७१ जनामा कोरोना पुष्टि

धनगढी
सुदूरपश्चिम प्रदेशमा बुधबार थप ७१ जनामा कोरोना संक्रमण पुष्टि भएको छ । 
प्रदेशका २ वटा प्रयोगशालामा गरिएको एक सय ५० जनाको पिसिआर परिक्षणमा ५४ र ३ सय २२ जनाको एन्टिजेन परिक्षणमा १७ गरी ७१ जनामा संक्रमण पुष्टि भएको स्वास्थ्य निर्देशनालय डोटीले जनाएको छ ।

स्वास्थ्य निर्देशनालय डोटीका अनुसार बुधबार सेती प्रादेशिक अस्पतालमा गरिएको १ सय २२ जनाको कोरोना परिक्षणमा ४३ र डडेल्धुरा अस्पतालमा गरिएको २८ जनाको पिसिआर परिक्षणमा ११ जनामा कोरोना संक्रमण पुष्टि भएको हो । 
योसंगै सुदूरपश्चिम प्रदेशमा हाल सम्म ४४ हजार ७ सय २  जनामा संक्रमण पुष्टि भएको छ । संक्रमण पुष्टि भएका मध्य ४३ हजार ३ सय ३४ जना संक्रमण मुक्त भएका छन् । हाल सम्म सुदूरपश्चिम प्रदेशमा कोरोना संक्रमणका कारण ५ सय ४६ जनाको मृत्यु भएको छ । 
यसैगरी बुधबार सुदूरपश्चिमका विभिन्न अस्पतालबाट १६ जना कोरोना संक्रमण मुक्त भएर घरगएका छन्, भने संक्रमणका कारण मृत्यु हुनेको संख्या शुन्य रहेको छ ।