एउटै परिवार सवार स्कारपियो कर्णालीमा खस्यो, श्रीमान श्रीमति वेपत्ता

धनगढी

एउटै परिवारका पााच जना सदस्य सवार रहेको स्कारपियो कैलालीको कर्णाली नदीमा खस्दा २ जना गम्भिर घाईते भएका छन् भने दुई जना गम्भिर घाइते भएका छन् ।

जिल्ला प्रहरी कार्यालय कैलालीका अनुसार पाँच जना सवार रहेको स्कारपियो नदीमा खस्दा २ जना बेपत्ता भएका हुन् ।

कैलालीको चिसपानी देखी सोल्टा जाने क्रममा मोहन्याल गाउँपालिका–७ मा स्कारपियो दुर्घटना भएको जिल्ला प्रहरी कार्यालय कैलालीका प्रबक्ता प्रहरी नायव निरिक्षक प्रतिक विष्टले बताए ।

उनका अनुसार स्कारपियोको नम्बर खुलेको छैन । स्कारपियो व्याक गर्ने वेला दुर्घटना भएको प्रहरीले जनाएको छ ।

दुर्घटनामा परी वेपत्ता हुनेमा डोटीको आदर्श गाउँपालिका बस्ने सवारी चालक चन्दप्रकाश जोशी उनकी श्रीमति रुपि जोशी रहेका छन् ।

यसैगरी चालक जोशीका छोरा अन्दाजी ३÷४ बर्षे भुवन जोशी र ४÷५ बर्षकी छोरी सविता जोशी गम्भिर घाइते भएका प्रहरी प्रबक्ता विष्टले बताए । दुर्घटनामा परी अन्दाजी १२ बर्षकी लक्ष्मि जोशी सामान्य घाइते भएकिछन् ।