सेतीको परिक्षणमा २८ जनामा कोरोना संक्रमण पुष्टि

धनगढी

धनगढी स्थित सेती प्रादेशिक अस्पतालमा गरिएको कोरोना परिक्षणमा थप २८ जनामा कोरोना संक्रमण पुष्टि भएको छ ।

अस्पतालका सूचना अधिकारी दिलिपकुमार श्रेष्ठले दिएको जानकारी अनुसार बुधबार अस्पतालको ल्याबमा गरिएको १ सय ११ जनाको स्वाव परिक्षणमा २८ जनामा संक्रमण पुष्टि भएकोहो ।

उनका अनुसार बुधबार अस्पतालमा उपचाररत थप ३ जना निकोभएर घर गएका छन्, भने ४ जना अस्पतालमा भर्नाभएका छन् । हाल सेती प्रादेशिक अस्पतालको कोभिट वार्डमा २२ जना उपचार गराइरहेका छन् ।