खैरो हिरोईन सहित २ जना पक्राउ

धनगढी । लागु औषध खैरो हिरोइन सहित कैलालीको लम्कीबाट दुईजना पक्राउ परेका छन् ।

ईलाका प्रहरी कार्यालय लम्की र ईलाका प्रहरी कार्यालय चिसापानी कैलालीको संयुक्त प्रहरी टोलीले लम्कि चुहा नगरपालिका वडा नम्बर ३ चिसापानी नयाँ बस्तीबाट २ जनालाई पक्राउ गरेको हो ।

पक्राउ पर्नेमा अन्दाजी २२ वर्षीय बिरेन्द्र बिष्ट र सोहि ठाउँ बस्ने अन्दाजी २८ वर्षीय राज सुनार रहेका छन् । उनिहरुबाट घरमै लुकाई राखेको अवस्थामा बिक्रि बितरणको लागी पुडिया -पोका_ बनाई राखेको ९ ग्राम १ सय ५० मिलिग्राम लागु औषध -खैरो हिरोईन_ बरामद गरिएको जिल्ला प्रहरी कार्यालय कैलालीले जनाएको छ ।

पक्राउ परेका उनीहरु माथि ईलाका प्रहरी कार्यालय लम्की कैलालीमा आवश्यक अनुसन्धान भइरहेको जनाइएको छ ।