रिकोभरद्वारा दुई सय परिवारको स्वास्थ्य वीमा, खाद्यान्न तथा तरकारीको बीउँ वितरण

धनगढी । कोभिड–१९ बाट प्रभावित समुदायका लागि पुर्नउत्थान परियोजना -रिकोभर_ ले धनगढी उप–महानगरपालिकाका दुई सय  परिवारको निशुल्य स्वास्थ्य वीमा गर्नुका साथै दुई सय ७४ परिवारलाई तरकारीका वीउँ र १६ जना सुत्केरी महिलालाई प्रतिव्यक्ति ५ हजार मुल्य बराबरको खाद्य सामाग्री प्रदान गरेको छ ।

धनगढी उप–महानगरपालिका र वेसको सहकार्यमा सञ्चालित उक्त परियोजनाले धनगढी वडा नम्बर–१, १२, १६ र १८ का दुई सय परिवारको (नगद तीन हजार पाँचसय) सहित स्वास्थ्य वीमा गरेको परियोजनाकी स्वास्थ्य प्राबिधिक रिमा चौधरीले बताइन् । कोभिड–१९ बाट प्रभावित विपन्न, दलित मुक्तकमैंया परिवारको निशुल्क स्वास्थ्य वीमा गरिएको उनले बताइन् । कोभिडका कारण रोजगारी खोसिएको अवस्थामा रोगको उपचार गर्न सहजता दिलाउने उद्देश्यले ती नागरिको स्वास्थ्य वीमा गरिएको उनले बताए ।

त्यसैगरी सोही वडाका २७६ परिवारलाई रिकोभरले वसन्त ऋतुमा लगाइने तरकारी (भिण्डि, वोडी, लौका, कांक्रा, खुर्सानी) को वीउ वितरण गरिएको छ । रिकोभर परियोजनाका कृषि प्राबिधिक मनोज चौधरीका अनुसार कोभिड–१९ बाट प्रभावित परिवारलाई जीविको पार्जनमा सहजता दिलाउने उद्देश्यले तराकारीको वीउँ वितरण गरिएको हो ।

परियोजनाले धनगढी उप–महानगरपालिका भीत्रका १६ जना सुत्केरी महिलालाई ५ हजार मुल्य बराबरको खाद्य तथा स्वास्थ्य सामाग्री वितरण गरिएको छ । ४५ दिन भित्रका १६ जना सुत्केरी महिलालाई चामल, दाल, तोरीको तेल, ध्यू, नुन, साबुन, वेबी पाउडर, कपडा, म्याक्सि, बलाङ्केट, अण्डा लगायतका सामाग्री वितरण गरिएको छ ।

सुत्केरी महिलालाई नियमित स्वास्थ्य परिक्षण गराउन, बालबालिकाकालाई नियमित खोप लगाउनका लागि अभिप्रेरणा जगाउने उद्देश्यले खाद्य तथा स्वास्थ्य सामाग्री वितरण गरिएको ममता लेखकले बताइन् । आगामी दिनमा पनि विपन्न नागरिकलाई सहयोग गरिने उनले बताइन् ।