सुदूरपश्चिममा कोरोनाबाट ज्यान गुमाउनेको संख्या दुई पुग्यो

धनगढी

      सेती प्रादेशिक अस्पतालमा शुक्रबार राती उपचारका क्रममा मृत्यु भएकी एक जनामा कोरोना भाईरसको संक्रमण पुष्टि भएको छ । अस्पतालको डायलासिस वार्डमा मृत्यु भएकी धनगढी उप–महानगरपालिका वडा नम्वर ४ की एक महिलामा कोरोना पुष्टि भएको सेती प्रादेशीक अस्पतालले जनाएको छ ।

     मृगौला सम्बन्धी रोगबाट पीडित ति महिला डायलासिस गराउनका लागि सेती अस्पताल पुगेका थिईन् । डायलासिस अघि उनको आरडिटी रिपोर्ट भने नेगेटिभ आएको थियो । शुक्रबार राती उनको मृत्यु भएपछि कोरोना परिक्षणका लागि थ्रोट स्वाबको नमूना संकलन गरी धनगढी प्रयोगशालामा पठाइएको थियो । शनिवार दिउसो मृतक ति महिलामा कोरोना पुष्टि भएपछि सेती प्रादेशीक अस्पतालको डायलासिस वार्ड सिल गरीएको छ । यो संगै सुदूरपश्चिममा कोरोनाका कारण मृत्यु हुनेको संख्या दुई पुगेको छ ।

    यसअघि जेठ १८ गते सुदूरपश्चिममा पहिलो पटक कोरोना भाईरसबाट बाजुराकी दुई बर्षीय बालिकाको मृत्यु भएको थियो ।