अपीहिमालको अध्यक्षमा माओबादी र उपाध्यक्षमा कांग्रेस विजयी

धनगढी । दार्चुलाको अपी हिमाल गाउँपालिकामा नोकपा माओबादी केन्द्रले अध्यक्ष पद जीतेको छ, भने नेपाली कांग्रेसले उपाध्यक्ष पद जीतेको छ । सो पालिकामा कांग्रेस र माओबादी विच चुनावि तालमेत समेत भएको थियो ।

गाउँपालिका अध्यक्षमा सत्तारुढ गठबन्धनबाट नेकपा -माओवादी केन्द्र_ का उम्मेदवार भगतसिंह ठेकरे (बोहरा) निर्वाचित भएका छन् । उपाध्यक्षमा गठबन्धनकै उम्मेदवार कांग्रेसकी देवकीदेवी बोहरा निर्वाचित भएकी छन् । अपीहिमाल गाउँपालिकामा आइतबार साढे १२ बजे मतगणना सकिएको थियो ।

मतगणना परिणाम अनुसार ठेकरेले २ हजार ३ सय ४ भोट प्राप्त गरेका छन् । वीजयी ठेकरेले प्रतिद्वन्द्वी नेकपा एमालेका उम्मेदवार धर्मानन्दसिंह मन्याललाई ९१९ मतान्तरले पराजित गरेका हुन् । पराजित मन्यालले १ हजार ३ सय ८५ मत ल्याएका छन् ।

उनी २०७४ सालमा गाउँपालिका अध्यक्षमा निर्वाचित भएका थिए भने ठेकरे पराजित बनेका थिए । उपाध्यक्ष निर्वाचित देवकीदेवी बोहराले २ हजार २७ मत ल्याएकी छन् । उनकी प्रतिद्वन्द्वी एमालेकी उर्मिला बोहराले १ हजार ३ सय ९१ मत ल्याएकी थिइन् ।