कैलालीका ४ पालिकामा नागरिक उन्मुक्ति र ३ मा काँग्रेस अगाडि

धनगढी । बैशाख ३० मा सम्पन्न स्थानीय तहको निर्वाचन अन्तरगत दुई पालिकाको मत परिणाम सार्व जनिक भएको छ । कैलालीको चुरे गाउँपलिका र बर्दगोरिया गाउँपालिकामा अन्तिम मत परिणाम सार्वजनिक हुँदा दुवै पालिकामा एमालले जीत हात पारेको छ । बाँकी ११ पालिकामा मतगणना जारी छ ।

जारी मतगणना अनुसार उपमहानगरपालिकामा स्वतन्त्र उम्मेदवार गोपाल हमालको अग्रता छ । अन्य १० मध्य जिल्लाका चार पालिकामा रेशम चौधरीकी श्रीमति अध्यक्ष रहेको नागरि उन्मुक्तिका उम्मेदवार अगाडि छन् ।

टीकापुर नगरपालिका, भजनी नगरपालिका, जोशीपुर र जानकी गाउँपालिकामा नागरिक उन्मुक्ति अग्रस्थानमा रहेको हो । यस्तै गोदावरी नगरपालिका, लम्कीचुहा नगरपालिका र कैलारी गाउँपालिकामा नेपाली काँग्रेस अग्रस्थानमा छ । गौरीगंगा नगरपालिका र मोहन्याल गाउँपालिकामा माओवादी केन्द्र, घोडाघोडी नगरपालिकामा एकीकृत समाजवादीका उम्मेदवारले अग्रता लगिरहेका छन् ।