सुदूरपश्चिममा थपिए ५९ कोरोना संक्रमित

धनगढी

 पछिल्लो २४ घण्टाको अवधीमा सुदूरपश्चिममा थप ५९ जनामा कोरोना संक्रमण पुष्टि भएको छ ।

    राष्ट्रिय जनस्वास्थ्य प्रयोगशाला काठामडौँमा ४९ र धनगढी प्रयोगशालामा १० गरी ५९ जनामा कोरोना पुष्टि भएको   हो । यो संगै सुदूरपश्चिम तीन हजार पाँच सय ९४ पुगेको छ ।

 राष्ट्रिय जनस्वास्थ्य प्रयोगशालामा भएको परीक्षणमा अछामका ३७, कञ्चनपुरका ६, डोटी र डडेल्धुराका तीनरतीन जनामा कोरोना पुष्टि भएको स्वास्थ्य तथा जनसङख्या मन्त्रालयका प्रवक्ता डाक्टर जागेश्वर गौतमले बताए ।

     यस्तै धनगढी प्रयोगशालामा भएको परीक्षणमा ६ पुरुष र चार महिला गरी १० जनामा कोरोना पुष्टि भएको छ । जसमा महाकाली नगरपालिका कञ्चनपुरका चार, डोटीका तीन, धनगढी उप–महानगरपालिका–२ का एक, बैतडीको दशरथचन्दका एक जना र अछामको चौरपाटी गाउँपालिकाका एक जनामा कोरोना पुष्टि भएको सेती अस्पतालका सूचना अधिकारी दिलिप कुमार श्रेष्ठले बताए । सुदूरपश्चिमका संक्रमित मध्ये ८ जनाको मृत्यु भईसकेको छ भने पाँच सय ७२ जना डिस्चार्ज भएका छन् ।