मंसिर ४ र ५ गते सार्वजनिक विदा

धनगढी । सरकारले निर्वाचनका लागि मंसिर ४ र ५ गते सार्वजनिक विदा दिने निर्णय गरेको छ । मंसिर ४ गते हुने निर्वाचनका लागि मतदानस्थल रहेका शिक्षण संस्थाहरु मंसिर २ गतेदेखि ५ गतेसम्म बन्द हुने भएका छन् । सरकारी कार्यालय र सार्वजनिक संस्थानहरु भने मंसिर ४ र ५ गते बन्द हुनेछन् ।

मंगलबार गृहमन्त्रालयले जारी गरेको सूचना अनुसार मंसिर ४ र५ गते सम्पुर्ण कार्यालय बन्द हुने छन् । गृह मन्त्रालयका प्रवक्ता फणिन्द्रमणि पोखरेलले जारी गरेको सूचनामा सरकारी कार्यालय र सार्वजनिक संस्थानहरु ४ र ५ गते तथा मतदानस्थल रहेका शिक्षण संस्थाहरु २ गतेदेखि ५ गतेसम्म बन्द हुने उल्लेख छ ।

कर्मचारी मतदान केन्द्रमा खटिने र सेवा ग्राही मतदान केन्द्रमा हुने हुँदा सो दिन कार्यालय बन्द गरिने मन्त्रालयले जनाएको छ ।

आगामी मंसिर ४ गते देशभर एकैचरणमा प्रतिनिधि सभा र प्रदेश सभा सदस्यको निर्वाचन हुँदैछ । निर्वाचनमा शिक्षक तथा कर्मचारीहरुलाई पनि खटाइएका छन् ।