दार्चुला प्रदेश सभाका दुवै क्षेत्रमा गठबन्धनका उम्मेदवार विजयी

धनगढी । दार्चुलाको प्रदेश सभाका दुवै क्षेत्रमा शत्तारुढ गठबन्धनका उम्मेदवार विजयी भएका छन् ।

बुधबार विहान सकिएको मत गणना अनुसार प्रदेश सभा क्षेत्र १ मा नेपाली कांग्रेसका उम्मेदवार विक्रमसिंह धामी र २ मा माओबादी केन्द्रका उम्मेदवार मानबहादुर धामी निर्वाचित भएका हुन् ।

प्रदेश क्षेत्र १ मा एमालेका हरदेव जोशीलाई पराजीत गर्दै कांग्रेसका उम्मेदवार बिक्रमसिंह धामी निर्वाचित भएका हुन् भने, प्रदेश सभा २ मा एमालेका रामदत्त जोशीलाई पराजीत गरेर माओबादी केन्द्रमा उम्मेदवार मानबहादुर धामी निर्वाचित भएका हुन् ।

बिक्रम धामीले १३ हजार ८ सय २४ मत पाएका छन् भने, माओबादीका मानबहादुर धामीले १३ हजार १ सय ७१ मत पाएका छन् ।