कैलाली–३ प्रदेश सभा क मा नागरिकका घनश्याम निर्वाचित

धनगढी । कैलाली क्षेत्र नम्बर–३ को प्रदेश सभा क्षेत्र क मा नागरिक उन्मुक्ति पार्टीका उम्मेदवार घनश्याम चौधरी निर्वाचित भएका छन् ।

शत्तारुढ गठबन्धनका साझा उम्मेदवार रहेका नेपाली कांग्रेसका खेम चौधरीलाई पराजीत गर्दै घनश्याम निर्वाचित भएका हुन् । घनश्याम चौधरी १३ हजार ९ सय २३ मत प्राप्त गर्दै विजयी भएका हुन् भने, नेपाली कांग्रेसका उम्मेदवार खेम चौधरी ११ हजार ५ सय ७२ मत ल्याउँदै पराजीत भएका छन् ।

सो क्षेत्रमा नेकपा एमालेका उम्मेदवार चुल्लुराम चौधरी ४ हजार ६ सय ३१ मत ल्याउँदै तेश्रो भएका छन् । क्षेत्र नम्बर–३ को प्रदेश सभा क मा ३३ हजार ९ सय २६ मत खसेकोमा २३ हजार ३ सय दुई मत सदर भएका थिए ।