बाजुरामा जीप दुर्घटना हुँदा ७ जना घाइते

बाजुरा। बाजुरामा जीप दुर्घटना हुँदा ७ जना घाइते भएका छन् । बाजुराको को कोल्टीबाट धुलाचौर जाँदै गरेको सुदुरपश्चिम प्रदेश ०१००१ ज १२४१ नम्बरको जीप बुढीनन्दा नगरपालिका १ पिपलडालीमा दुर्घटना भएको हो । इलाका प्रहरी कार्यालय कोल्टीका अनुसार बिहीबार दिउँसो साढे १ बजे कोल्टीबाट धुलाचौर जाँदै गरेको जीप सडक छेउमा साइड दिने क्रममा सडकबाट करिव ३ मिटर तल खसेको हो । जीप १० जना यात्रु लिएर कोल्टीबाट धुलाचौरका लागि छुटेको थियो ।

जीप दुर्घटनामा घाईते हुनेमा मुगुको खत्याड गाउँपालिका वडा नं ९ का १४ वर्षका असल परियार, सोहीठाउँका ३० वर्षीय पुण्य सार्कि, ३० वर्षीय नन्दकृष्ण सार्की, ४९ वर्षका कृष्ण बहादुर सार्की, राम सार्की हिमाली गाउँपालिका ४ का ३५ वर्षीय छम्मा सुनार र वडा नं ६ का १८ वर्षीय मान बहादुर सार्की रहेका प्रहरीले जनाएको छ। प्रहरीले घाइते सबैको अहिले प्राथमिक स्वास्थ्य केन्द्र कोल्टीमा उपचार भैरहेको बताएको छ। घाइतेहरुको टाउको, ढाड, कम्मर, आखाँ, नाकमा चोट लागेको जनाइएको छ ।