जेसिज पूर्व विद्यार्थीद्वारा १५ लाख बराबरको छात्रवृत्ति अक्षयकोष स्थापना

धनगढी । धनगढी स्थित जेसिज एभरेष्ट पूर्व विद्यार्थी संघले विपन्न विद्यार्थीको पढाईमा सहयोग जुटाउनका लागि अक्षयकोष स्थापना गरेको छ । विपन्न  विद्यार्थीहरूलाई छात्रवृत्ति प्रदान गर्न पूर्व विद्यार्थी संघले १५ लाख बराबरको अक्षयकोष स्थापना गरेको खेमराज जोशीले बताए । ५ लाखबाट सुरू गरिएको अक्षयकोषमा १० लाख थपेर १५ लाख बनाइएको हो ।

अक्षयकोषको ब्याजबाट प्राप्त रकमले हाल आमाको माया छात्रवासका दुई जना विद्यार्थीहरू जेसिज एभरेष्ट माध्यामिक विद्यालयमा अध्ययन गरिरहेका छन् । संघले आमाको माया छात्रावासमा रहेका लक्ष्मण जैसी र सन्दिप जैसीलाई छात्रवृत्ति उपलब्ध गराएको जनाएको छ । हाल कक्षा ६ मा अध्ययन गरिरहेका उनीहरू कक्षा १देखि नै पूर्व विद्यार्थी संघको पूर्ण छात्रवृत्तिमा अध्ययन गरिरहेका हुन् ।