दार्चुलामा स्क्रब टाइफस फैलिंदै

धनगढी । सुदूरपश्चिम प्रदेशको दार्चुलामा स्क्रब टाइफस रोगको संक्रमण फैलन थालेको छ । जिल्ला अस्पताल दार्चुलाका अनुसार दार्चुलामा साउन यता मात्रै स्क्रव टाइफसका १७ जना विरामी फेला परेका छन् ।

जिल्ला अस्पताल दार्चुलाका सुचना अधिकारी राजेश भट्टका अनुसार साउन १४ गते आइतवार सम्म १७ जनामा स्क्रब टाइफसको संक्रमण देखिएको छ । संक्रममण पुष्टि भएकाहरुमा महाकाली नगरपालिकामा सबै भन्दा बढि ९ जना रहेका छन् ।

स्तै दुहुँ गाउँपालिका, व्यासँ गाउँपालिकाका नौगाड गाउँपालिकाकाका २/२ जनामा स्क्रब टाइफसको संक्रमण देखिएको सूचना अधिकारी भट्टले बताए ।उनका अनुसार मार्मा गाउँपालिकाका लेकम गाउँपालिकाका एक/एक जनामा स्क्रब टाइफसका बिरामी देखिएका छन् । 

भट्टका अनुसार स्क्रब टाइफस भएको बिरामीमा लामो समय ज्वरो आउने, टाउको दुख्ने, मांसपेशी बाउडिने, जीउ दुख्ने र कुनै–कुनै बिरामीलाई झाडापाखाला र सामान्य खोकी लाग्ने जस्ता लक्षण समेत देखा पर्ने गरेको छ ।