भजनीमा मात्रै दुई हजार भन्दा बढी परिवार प्रभावित

धनगढी । सोमबार र मंगलबार भएको अविरल बर्षापछि कैलालीमा करिव साढे तीन हजार घरधुरी प्रभावित भएका छन् ।

जिल्ला प्रशासन कार्यालय कैलालीका अनुसार कैलालीका १३ मध्य ११ पालिकामा बर्षाका कारण आएको बाढीबाट नागरिक प्रभावित भएका छन् । ११ पालिकामा तीन हजार चार सय १३ परिवार विस्थापित भएका जिल्ला प्रशासन कार्यालय कैलालीका सूचना अधिकारी शिवराज जोशीले बताए ।

सूचना अधिकारी जोशीका अनुसार बाढीका कारण कैलालीको भजनीमा सवैभन्दा बढी परिवार प्रभावित भएका छन् । भजनीका दुई हजार तीन सय ४२ परिवार प्रभावित भएका सूचना अधिकारी जोशीले बताए । त्यसैगरी टीकापुर नगरपालिकाका तीन सय ८१, जानकी गाउँपालिकाका दुई सय ७५ परिवार, जोशीपुर गाउँपालिकाका दुई सय १० परिवार, कैलारी गाउँपालिकाका एक सय ५५ परिवार, धनगढी उप महानगरपालिकाका ४३ र गोदावरीका ७ घरधुरी बाढीका कारण प्रभावित भएका सूचना अधिकारी जोशीले बताए ।