बालकुमारी घटनामा मृत्यु भएका शाह परिवारलाई प्रदेश सरकारले दुई लाख रुपैयाँ दिने

धनगढी । सुदूरपश्चिम सरकारले शुक्रबार ललितपुरको बालकुमारी घटनामा मारिएका अछामको चौरपाटी गाउँपालिकाका २२ वर्षीय वीरेन्द्र शाहको परिवारलाई क्षतिपूर्ति स्वरुप दुई लाख रुपैयाँ दिने भएको छ ।

मुख्यमन्त्री कमलबहादुर शाहले वीरेन्द्रको निधनले आफू दुःखी भएको बताउँदै परिवारजनको पीडामा मल्हम लगाउन प्रदेश सरकारका तर्फबाट दुई लाख रुपैयाँ राहत दिने बताए ।

सुदूरपश्चिम प्रदेश सरकारले विपद तथा समस्यामा परेका नागरिकलाई अभिभावकिय भूमीका देखाउँदै आफ्नो सहभागिता जनाउँदै आएको छ ।