सुदूरपश्चिममा थप १९ जनामा कोरोना पुष्टि

धनगढी

   पछिल्लो २४ घण्टामा सुदूरपश्चिममा थप १९ जनामा कोरोना संक्रमण पुष्टि भएको छ । आज धनगढी स्थित सेती प्रादेशिक अस्पतालमा रहेको प्रयोगशालामा गरिएको परीक्षणमा थप १९ जनामा कोरोना पुष्टि भएको  हो ।

   आज थपिएका संक्रमितमा कञ्चनपुरको बेदकोट नगरपालिकाका एक महिला र १० पुरुष गरी ११ जना, कैलालीको टीकापुर नगरपालिका वडा नम्वर १ का चार महिला, अछामको चौरपाटी गाउँपालिका वडा नम्वर ५ का दुई महिला र अछामको साँफेवगर नगरपालिका वडा नम्वर ११ का दुई पुरुष रहेको सेती प्रादेशीक अस्पतालद्धारा जारी प्रेश बिज्ञप्तीमा उल्लेख छ ।

  पछिल्लो २४ घण्टामा सेती अस्पतालको प्रयोगशालामा दुई सय ३६ जनाको कोरोना परीक्षण भएको  र ति मध्य १९ जनामा संक्रमण पुष्टि भएको हो ।