रोटा भाइरस बिरुद्ध खोप अभियान शुरु

धनगढी

   बालबालिकालाई झाडापखाला गराउने रोटा भाइरस बिरुद्ध खोप अभियान शुरु भएको छ । बिहीबार धनगढीमा सुदूरपश्चिम प्रदेशका सामाजिक विकास मन्त्री कृष्णराज सुवेदीले खोप अभियानको शुभारम्भ गरेका हुन् ।

  सुदूरपश्चिम प्रदेश सरकारले युनिसेफको सहयोगमा प्रदेशका १ हजार ८ सय खोप केन्द्रबाट हरेक बर्ष ६२ हजार बालबालिकालाई रोटा भाइरस बिरुद्ध खोप दिने प्रदेशका स्वास्थ्य निर्देशक डा.गुणराज अवस्थीले जानकारी दिए ।

  यो बालबालिकालाई दिइन लागेको १२ औं खोप हो । यसअघि बिभिन्न रोगसंग लड्न बालिबालिकाहरुलाई ११ वटा खोपहरु दिइदै आइएको  छ । बिसिजी, पोलियो, दादुरा, रुबेला, हेपाटाइटिस बी, जापनिज इन्सेफ्लाइटिस लगायतका ११ खोप रहेकोमा अबदेखि १२ खोप थपिएको हो ।