सुदूरपश्चिममा थप १४ जनामा कोरोना पुष्टि

धनगढी

 पछिल्लो २४ घण्टामा सुदूरपश्चिममा थप १४ जनामा कोरोना पुष्टि भएको छ । धनगढी स्थित सेती प्रादेशिक अस्पतालमा रहेको प्रयोगशालामा आज गरिएको परीक्षणमा थप १४ जनामा कोरोना पुष्टि भएको बिज्ञप्ती मार्फत  जानकारी दिईएको छ ।

    सेती प्रादेशीक अस्पतालले जारी गरेको बिज्ञप्ती अनुसार आज थपिएका कोरोना संक्रमितमा कैलालीको कैलारी गाउँपालिका–४ का दुई महिला र दुई पुरुष गरी ४ जना,  गोदावरी नगरपालिका दुई पुरुष र एक महिला गरी ३ जना, धनगढी उपमहानगरपालिका–१८ का एक पुरुष र एक महिला गरी २ जना, टिकापुर नगरपालिका–१ का एक पुरुष रहेका  छन् ।

  यसैगरी आजै थपिएका संक्रमितमा कञ्चनपुरको बेदकोट नगरपालिका एक महिला र एक पुरुष गरी दुई जना, कञ्चनपुरकै भिमदत्त नगरपालिका–४ का एक पुरुष र बझाङको खप्तडछान्ना गाउँपालिका–६ एक महिलामा रहेको अस्पतालको बिज्ञप्तीमा उल्लेख छ ।