रानी जमरा सिंचाई आयोजनाबाट विद्युत उत्पादन सुरु

धनगढी । राष्ट्रिय गौरवको आयोजना रानी जमरा कुलरिया सिंचाई आयोजनाबाट विद्युत उत्पादन सुरु भएको छ । २०८० साल माघ १६ गते रातिबाट उत्पादन सुरु भई लम्कीस्थित १३२ केभी प्रसारण लाइनमा जोडिएको हो ।

जानकी गाउँपालिका ९ कटाँसेमा बनेको उत्पादन गृहको ३३ केभी लाइन करीब ६ किलोमिटर टाढाको लम्की स्टेशनमा पु¥याएर राष्ट्रिय प्रसारण लाइनमा जोडिएको हो । परीक्षणका क्रममा साढे एक मेगाबाट उत्पादन भएको विद्युत प्राधिकरण लम्कीका प्रमुख खगेन्द्रप्रसाद धमलाले जानकारी दिए । रानीजमराको पूरै उत्पादन भएका तीन वटा टर्वाइनको सहायताले ४ दशमलव ७१ मेगावाट विद्युत निरन्तर उत्पादन हुनेछ ।