थप उपचारका लागि हेलिकोप्टर मार्फत नेपालगंन्ज लगियो

धनगढी

    अछाम जिल्लाको बयालपाटा अस्पतालका एक जना कर्मचारीले जागिरबाट हटाएपछि आफ्नै आगो लगाएका छन् । अस्पतालले हटाएका ३३ जना कर्मचारी मध्येका साफेबगर नगरपालिका–६ का सिदार्थ आउजीले आज विहान आफ्नै शरिरमा आगो लगाएका हुन् ।

 शरिरमा आगो लगाएर गम्भिर घाईते भएका उनलाई उपचारका लागि हेलिकोप्टर मार्फत नेपालगंज लगिएको छ अछामका प्रमुख जिल्लामा अधिकारी पुण्यविक्रम पौडेलले आगो लगाएर गम्भिर घाईते भएका ति कर्मचारीलाई जिल्लामा उपचार सम्भव नभएपछि हेलिकोप्टर मार्फत नेपालगंज पठाईएको जानकारी दिए ।

   अस्पतालमा आर्थिक संकट परेको भन्दै उनी लगायत ३२ जना कर्मचारीलाई अस्पतालले हटाएको थियो । अस्पतालले जागिर हटाएपछि उनले परिवारको रोजीरोटी खोसिएको भन्दै आगो लगाएको स्थानीयले बताएका छन् ।

  बयालपाटा अस्पतालले भने अस्पतालमा आर्थिक अभाव भएको भन्दै कार्यसम्पादन, अनुशासन सबै हेरेर केही कर्मचारी हटाएको जनाएको छ ।