कैलालीमा बाढीले बगाएका तीनै जनाको शव भेटियो

धनगढी
 कैलालीको भजनीमा बाढीले बगाएर वेपत्ता भएका तीनै जनाको शव भेटिएको छ । 
 बाढीमा बगेर मृत्यु हुने मध्य भजनी नगरपालिका ८ का चक्र बहादुर बिकको शव आज दिउँसो पत्ता लागेको छ । उनि संगै वेपत्ता भएका इश्वर शाहको शव बिहीबार फेला परेको थियो ।

 बाढीमा बगेर मृत्यू भएका तेश्रो व्यक्ति स्केल चौधरीको शव आज बिहान पत्ता लागेको जिल्ला प्रहरी कार्यालय कैलालीका प्रबक्ता प्रहरी नायव उपरिक्षक प्रतिक विष्टले बताए ।  
अविरल बर्षा संगै आएको बाढीमा ६ जना बगेकोमा ३ जनालाई भने बुधबार नै जीवितै उद्धार गरिएको थियो ।