सुदूरपश्चिममा थप ४८ जनामा कोरोना संक्रमण पुष्टी

धनगढी
 सुदूरपश्चिम प्रदेशमा पछिल्लो २४ घण्टाको अवधीमा थप ४८ जनामा कोरोना संक्रमण पुष्टी भएको छ । 

 स्वास्थ्य तथा जनसंख्या मन्त्रालयका अनुसार आज राष्ट्रिय जनस्वास्थ्य प्रयोगशा काठमाण्डौंमा गरिएको परिक्षण्मा २३, शुक्रराज ट्रपिकल अस्पतालको प्रयोगशालामा १ , डडेलधुरा अस्पतालको प्रयोगशालामा १ र सेती प्रादेशिक अस्पतालको प्रयोगशालामा गरिएको परिक्षणमा २३ जनामा कारोना संक्रमण पुष्टी भएको छ ।

 मन्त्रालयका प्रबक्ता डाक्टर जाशेश्वर गौतमका अनुसार राष्ट्रिय जनस्वास्थ्य प्रयोगशालामा गरिएको परिक्षणमा बझाङका २, डोटी ११ र कैलाली १० जनामा कोरोना संक्रमण पुष्टी भएको छ । यसै गरी शुक्रराज ट्रपिकल अस्पताको प्रयोगशालामा गरिएको परिक्षणमा दार्चुलाका १ र डडेलधुरा अस्पतालको प्रयोगशालामा गरिएको परिक्षणमा डोटीका १ जनामा कोरोना संक्रमण पुष्टी भएको छ । 
 यसै गरी सेती प्रादेशिक अस्पताल धनगढीको कोरोना प्रयोगशालामा गरिएको परिक्षणमा कैलालीका २२ र बैतडीको पाटनका १ जना गरी २३ जनामा कोरोना संक्रमण पुष्टी भएको छ । आज थपिएका संक्रमित हरुमा धनगढी उप–महानगरपालिका र मोहन्याल गाउँपालिकाका दुई÷दुई गरी ४ जना पुरुष, गोदावरी नगरपालिका, घोडाघोडी नगरपालिका र जोशी पुर गाउँपालिकाका १÷१ गरी तीन जना पुरुषमा कोरोना संक्रमण पुष्टी भएको छ ।

 यसै गरी आज नै कैलालीको बर्दगोरिया गाउँपालिकाका तीन महिला र ५ पुरुष गरी ८ जना तथा टिकापुर नगरपालिकाका दुई महिला र ५ पुरुष गरी ७ जना तथा बैतडीका १ जना पुरुषमा कोरोना भाइरस संक्रमण पुष्टी भएको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए ।