शनिबार, ११ असोज २०८३
September 26, 2026
शनिबार, ११ असोज २०८३
September 26, 2026
नेपालगन्ज
नेपालगन्ज उपमहानगरपालिकाका जनप्रतिनिधि र कर्मचारी गरी ८ जनामा कोरोना संक्रमण पुष्टि भएको छ । जनप्रतिनिधि र कर्मचारीमा कोरोना संक्रमण देखिएपछि उपमहानगरपालिकाको कार्यालय सोमबारदेखि शिल गरिएको छ ।
एक जना वडा अध्यक्ष र सात जना कर्मचारीमा कोरोना संक्रमण देखिएको नेपालगन्ज उपमहानगरपालिकाकी उपप्रमुख उमा थापामागरले बताइन् । संक्रमित हुने जनप्रतिनिधि नेपालगन्ज–१ का वडा अध्यक्ष प्रमोद रिजाल हुन् ।
नेपालगन्ज उपमहानगरपालिका स्वास्थ्य शाखा प्रमुख रामबहादुर चन्दका अनुसार ७ जना कर्मचारी संक्रमित भएकोमा ६ जना अधिकृत स्तरका कर्मचारी हुन् । ३ जना वडामा कार्यरत छन् भने अन्य ४ जना उपमहानगरपालिकाको कार्यालयका हुन् ।
साउन १६ मा नेपालगन्ज उपमहानगर परिसरमा जनप्रतिनिधि र कर्मचारी गरी ६५ जनाको स्वाब संकलन गरिएको थियो ।
