माहौर वैश्य सेवा समिति गठन, अध्यक्षमा मुकेश गुप्ता

धनगढीमा हालै भएको एक भेलाले मुकेश गुप्ताको अध्यक्षतामा माहौर वैश्य सेवा समिति गठन गरेको छ । अध्यक्ष गुप्ता प्रान्जल ट्रेडर्सका संचालक हुन् ।

उक्त तदर्थ उपाध्यक्ष ज्ञानेन्द्र गुप्ता, महासचिव राकेश गुप्ता, सचिव अमित गुप्ता र कोषाध्यक्ष महेन्द्र गुप्ता रहेका छन् ।

निर्विरोध चयन भएको कार्यसमितिको सदस्यमा शिवम गुप्ता, रामनिवास गुप्ता, राजेन्द्र गुप्ता र राम जिमल गुप्ता रहेका छन् ।

पारिवारिक रुपमा एकताबद्ध हुन र सामाजिक काम गर्न समितिको गठन गरिएको समितिका अध्यक्ष मुकेश गुप्ताले बताए । ‘हामी एकै परिवारका गुप्ताहरु बिगत लामो समयदेखि धनगढीमा व्यवसाय गरेर बसिरहेका छौं । तर संगठित थिएनौं ।’ अध्यक्ष गुप्ताले आइतबार धनगढीमा आयोजित पत्रकार सम्मेलनमा भने  ‘त्यसैले अब एकतावद्ध भएर पारिवारिक वातावरण तयार गर्छौ र सामाजिक कामपनि गर्छौ ।’

समितिका महासचिव राकेश गुप्ताले छरिएर रहेका एकतावद्ध गरेर सामाजिक काममा पनि अब जोडिने बताए ।  ‘एकल रुपमा सामाजिक का त हामी सबैले गर्दै आएका छौं ।’ महासचिव गुप्ताले भने ‘तर  अब  संगठित रुपमा सामाजिक काम गर्छौ ।’