धनगढी पोष्ट शुक्रबार, १३ भदौ २०८२   August 29, 2025

धनगढीमा दोस्रो सन्ध्याकालीन चैतन्य सांस्कृतिक मिनी मेला सम्पन्न

धनगढीमा दोस्रो सन्ध्याकालीन चैतन्य सांस्कृतिक मिनी मेला सम्पन्न

धनगढी । धनगढीमा दोस्रो सन्ध्याकालीन चैतन्य सांस्कृतिक मिनी मेला सम्पन्न भएको छ । धनगढी उपमहानगरपालिका वडा नम्बर १ पशुपति टोलमा असार ५ गतेदेखि सञ्चालित मिनी मेला आइतबार सम्पन्न भएको हो । 

द टुविन्स अ कम्प्लीट इन्स्टिच्युट अफ डान्स धनगढीको आयोजनामा एक महिना लामो मिनी मेलाको आयोजना गरिएको थियो । मिनी मेलाको समापन्न प्रज्ञा प्रतिष्ठान सुदूरपश्चिमका उपकुलपति डा.टिएन जोशीले गरेका थिए ।

मिनी मेलाको समापन्न गर्दै उपकुलपति जोशीले यस्ता मेलाहरूले गर्दा सुदूरपश्चिमको कला, संस्कृति र पर्यटनको प्रवर्द्धनका लागि अत्यन्त महत्त्वपूर्ण भूमिका खेलेको बताए। 

उनले मेलाले नयाँ प्रतिभा वान कलाकारहरूलाई पहिचान दिनेसँगै हाम्रो मौलिकता झल्काउनुका साथै सांस्कृतिक पहिचान उजागर हुने बताए। यस्ता मेला महोत्सवमा आफूहरूको सदैव साथ र सहकार्य रहने उनले बताए । 

द टुविन्स अ कम्प्लीट इन्स्टिच्युट अफ डान्स धनगढीका अध्यक्ष केशव बलायरले मेला सफल बनाउन साथ दिने सबै प्रति धन्यवाद व्यक्त गर्दै मेला सभ्य र भव्य रूपमा सम्पन्न भएको बताए । 

मेलामा सहभागी सबैप्रति आभार प्रकट गर्दै आउँदो असोज महिनामा धार्मिक–सांस्कृतिक मेला आयोजना गरिने समेत उनले बताए । 

यस्ता मेलाले स्थानीय कलाकारहरूलाई प्रतिभा प्रदर्शन गर्ने र स्थानीय युवाहरूका लागि रोजगारी तथा व्यवसाय प्रवर्द्धनको अवसर सिर्जना गर्ने उनको भनाई छ ।

मेलामा प्रत्येक दिन स्थानीय तथा राष्ट्रिय कलाकारहरूले साङ्गीतिक र नृत्य प्रस्तुतिहरू दिएका थिए। साथै, मेला स्थलमा नृत्य प्रतियोगिता, बाल उद्यान, विभिन्न खेल सामग्रीहरू र स्थानीय उत्पादनहरूको प्रदर्शनीसमेत राखिएको थियो।

मेलाको उद्घोषण तथा संयोजन आरजे रास कोटी र गुणाकर पनेरुले गरेका थिए। मिनी मेलाको समापनमा विभिन्न क्षेत्रका व्यक्तिहरूलाई सम्मान पत्र प्रदान गरी सम्मान गरिएको थियो।