कैलाली कारागार झडप प्रकरण : पटक–पटक जानकारी गराउँदा पनि प्रशासनले चासो नदिएको घाइतेका आफन्तको आरोप ।

कैलाली कारागारमा भएको झडप जिल्ला प्रशासन कार्यालय र प्रहरीको चरम लापरवाहीका कारण भएको कैदीका आफन्तको आरोप छ ।

बिहीबार कैलाली कारागारका तीन जना कैदीलाई सरुवा गरेपछि विवाद सुरु भएको थियो । बिहीबार कैदीलाई सरुवा गर्ने क्रममा पनि झडप भएको थियो । सो झडपमा परी तीन जना घाइते भएका थिए । तर प्रशासन कार्यालयले सो घटनालाई सामान्य रुपमा लगेका कारण शनिबार बिहान ठुलो घटना घटेको आफन्तको आरोप छ  । बिहीबारको घटनालाई गम्भिरताका साथ लग्न आफुले प्रशासनसंग आग्रह गरेको कैदीका आफन्त महेश चौधरीले बताए ।

चौधरीले बिहीबारको घटना साम्य नभएको भन्दै कारागारमा रहेका आफन्तले गुनासो गरेपछि सोकुरा प्रशासन सम्म जानकारी पनि गराइएको बताए । प्रमुख जिल्ला अधिकारी गोगन बहादुर हमाललाई भेट्न खोज्दा समय नदिएको उनले बतए ।

कारागारमा भएको समस्या बारेमा आफुले सामाजिक संस्थाहरुलाई पनि जानकारी गराएको तर कुनै पनि निकायले चासो नदिंदाको परिणाम शनिबारको घटना घएको उनको आरोप छ । प्रमुख जिल्ला अधिकारी र प्रहरी प्रमुख पुर्णरुपमा गैर जिम्मेवार हुँदा घटना घटेको चौधरीको आरोप छ ।